Informatikari Euskaldunen Hirugarren Bilkura Donostian, martxoaren 30ean

Informatikaren irakaskuntza eta Informatika irakaskuntzan izenburupean antolatu ditu Udako Euskal Unibertsitateak Informatikari Euskaldunen hirugarren topaketak.

Martxoaren 30ean egingo dira topaketa hauek, Donostiako Miramar jauregian, honako helburu honekin: informatikaren irakaskuntzak ziklo desberdinetan dituen planteamendu eta arazoak eztabaidatzea.

Horretarako, informatikan euskaraz aritzen direnak (software-egile eta erabile, ikasle eta irakasle eta teknikariak, besteak beste) bildu egingo dira, normalean dituzten arazoei erantzunak bilatzeko.

Enpresek zer-nolako eskakizunak dituzten eta informatika eta teknolojia berriek irakaskuntzan duten, eta izango duten, zereginaren ikuspegiak dira informatikariek aztertuko dituzten ikuspegietako batzuk.

Rene Harluxetek emando dio hasera topaketari lantegiko ikuspegitik zenbait gadera informatika-heziketari buruz hitz eginez.

Etika informatikoa, Informatika eta Multimediaren erabilera, Informatikaren irakaskuntza, Teknologia berriak eta euskal eskola sistemaren erronka, Euskaltegia eta informatika, Irakaskuntzarako materiala elektronikoa, Interneteko edukiak euskaraz eta interneteko tresnak eta Irakaskuntza telematikoa, internet bidezko irakaskuntza. Horiek izango dira martxoaren 30ea Miramar jauregian jorratuko diren gaiak.

Hizlariak berriz, Prospektiker, Nafarroako Unibertsitate Publikoa, Mondragon Unibertsitatea edota Ikastolen Elkartekoak izango dira.