Crítica:LIBURUAK | Gaiak
Crítica
Género de opinión que describe, elogia o censura, en todo o en parte, una obra cultural o de entretenimiento. Siempre debe escribirla un experto en la materia

Lanbroaz

Gure hurbileko oroimen historikoaren erreskatean gabiltza. Ez dira gutxi aurten euskal gatazka delakoaz idatzi dutenak. Ez dira gutxi, era berean, azaldutako ikuspegiak: borroka armatuak eragindako sentimenduak, trantsizio politikoaren argilunak, hurbileko oroimenarekiko ahaztura eta isiltasuna... Horrelako gaiak hizpidera ekarri ditu Jon Alonso iruindarrak bere azken eleberrian, Euskalgintza Elkarlanean-ek antolatutako Joseba Jaka III. Literatur Bekako saria irabazi zuen Hodei berdeak eleberrian.

Hodei berdeak lekukotasuna da, 60.eko hamarkadaren amaierako Nafarroako gizartearen eta talde abertzaleen lekukotasuna: diktaduraren azken urteak, ETAren lehenengo ekintzak, EAJren kontraesanak, gerra zibilean parte hartu zuten belaunaldi zaharren eta gerra ezagutu ez zuten belaunaldi gazteen arteko gatazka. Dena sasoiko Iruñea ilun eta aspertuan.

Benetako gertaerak eta pertsonaia historikoak asmatutakoekin nahasten dira. Ez dira falta CIAko pertsonaia ilunen azpikeriak. Baina Hodei berdeak ez da espioi eleberri hutsa, zenbait pasartetan halaxe irudi arren, eleberriaren harian fikziozkoa izan nahi duen kronika historikoa ere tartekatzen baita. Fikziozkoa izan nahi, baina fikziotik gutxien duten pasarteak dira, Zelai beltzak izenpean agertzen direnak.

Modu horretan, Jon Alonsok berriro ere ihes egin du eleberriaren ohiko moldeetatik, aurreko lanetan rapsodia eta saiakera gutxi gora-behera nobelatuak egin bazituen, oraingo honetan, generoari beste buelta bat ematen dio, eleberria eta fikziozkoa izan nahi duen kronika nahastuz.

Archivado En

Recomendaciones EL PAÍS
Recomendaciones EL PAÍS
Recomendaciones EL PAÍS