Selecciona Edición
Conéctate
Selecciona Edición
Tamaño letra

Ikasleen ikuspuntua

Baliabideen eskasia gora-behera, EHUk berealdiko ahalegina egin behar izan du azken urteotan kalitatezko unibertsitate-irakaskuntza jaso nahi duen ikasle kopuruaren hazkundeari aurre egiteko. Uxue Perez, ikasle hauei behar bezalako harrera egiteko gainditu behar izan diren oztopo guztien lekuko izan da. Uxueren testigantza ezin daiteke errealitate osoaren islatzat jo, baina joera nagusiaren adierazgarria dela esan genezake, unibertsitate publikoan lizentziatu zirenek ozta-ozta onetsi baitzuten 2000. urtean EHUko hizkuntz politika.

Uxuek Biologia ikasketak amaitu zituen iaz, eta gaur egun, ikerkuntza beka batez lan egiten du egun Zientzia eta Teknologia Fakultatean. Euskaraz matrikulatu zen arren, ezin izan zituen landu ikasgai guztiak hizkuntza honetan. Karrerako azken bi ikasturteetan, aukerako ikasgai batzuk erdaraz ikasi zituen. "Berez, oso aberasgarria izan daiteke, baina hizkuntza batetik bestera pasatzeak aparteko zailtasunak dakarzkizu", dio.

Ildo honetan, ez du egokitzat jotzen ikasgai hauek euskalduntzeko erabili den erritmoa. "Unibertsitatean bost urte egin ditut eta denbora honetan ez dut aldaketa handirik somatu; azken ikasturtean, karrera hasieran baino ikasgai bat gehiago ematen zen euskaraz, besterik ez", esan du.

* Este artículo apareció en la edición impresa del Domingo, 3 de octubre de 2004