"Agora fan rock de presentadores de TV"
A baixista e cantante de TAB conserva o recordo infantil: "Deberon ser un grupo importante, eu teño as mesmas referencias deles que doutros tipo Mecano ou así". O que máis lle chamaba a atención era o "demasiado forte", desde Me pica un huevo á posterior Cuánta puta y yo qué viejo.
"Recoñezo que Coppini e aqueles temas con Derribos Arias (teloneiros de ST no debú no Rockola) eran dunha vangarda singular. Con Costas (Miguel) tamén tiñan un punto, pero eu xa estaba máis afastada". "Supoño que ao principio se deixaban levar", considera Cea, "e sendo sinceros eran universais. Tiñan verdade porque non lles importaba".
No medio dos ensaios -teñen minixira antes de marchar para México D.F. en outubro-, Cea opina que quizais se converteron nunha banda de rocanrol "de libro, ese rock que pode facer un presentador da TVG". "Se a eles lles gusta, é o importante".
