Argitaragabeko poemak

Arantzazu dut kantagai

bera dut bizitza

eta Arantzazu dut kantagai

hementxe bizi naiz fraile.

Hona deitu ninduzun

hemengotu nendin

hemengotu nintzaizun

hemengo egin

bat nauzu harkaitzekin,

bat elorriekin,

bat bera Arantzazu den guztiarekin.

Heriotzarekin biok besoz beso

heriotzarekin nabil egunero

elkarrekin etsi genuenez gero.

Geure burua ikusteko,

begiak ez ditugu nahikoa,

ispilua behar dugu.

Lagun hurkoa ikusteko,

begiak nahikoa ditugula

uste dugu,

baina lagun hurkoa,

bistak dioskuna baino

gehiago dela diosku

eskarmentuak.