Plazido Mujika, patuak hautaturiko hiztegigilea
Munduak charlestonaren erritmo zoroan dantza egiten zuen bitartean, Aita Plazido Mujika, 22 urteko misiolari urnietarra, urrats sendoez zebilen Andeetako gailurretan barna, Kolonbiako inguru galdu haietan egokitu zioten bizitoki berrirako bidean.Hura ikustean, herriska haietako agureei iruditu zitzaien Aita Manuel zena ikusten ari zirela berriro, aspaldiko garaien oroitzapenetan murgilduta balego bezalaxe.
Indiar edadetu haiek ez zuten inoiz jakin Aita Manuel zena -Santa Kruz zuen deitura- ezinezko erlijio iraultza baten nostalgiaz bizi izan zela, eta itsasoaz haraindiko herri galdu batean erlijio eta foruen alde borrokatu ondoren, Kolonbiako inguru galdu haietara destinatu zutela erbesteraturik, harik eta bi urte lehenago, betiereko erbestealdirako bidea jorratu zuen arte.
Nekez pentsa zezakeen Aita Plazido Mujikak Andeetara iritsi zenean, patuak Elduaiengo apaiz gerrilariaren euskaltzaletasunaren lekuko bihurtuko zuela.
Kasualitatea
On Manuel zenak astean bi aldiz egin ohi zuen bezalaxe, Mujika Pasto herriko jesuiten etxetik irten eta Santa Kruz apaizaren gorpuzkinak ehortzita zeuden Muesacoko elizara abiatu zen. Bidean, ekaitzak harrapatu zuen. Berehala, bide bazterrera joan zen atertu arte. Hantxe egon zen luzaz, paisaiaren ederraz miretsirik. Bat-batean, haizeak enbor baten azpian zegoen paper zimurtua mugiarazi zuen. Zer zen ikustera inguratu zenean, ahoa bete hortz geratu zen: Argia aldizkariaren orrialde bat zen. Nola arraio heldu ote zen haraino?
Euskal Herria kiskalita utzi zuen azken gerraren txingarrak itzalitakoan, Plazido Mujika sorterrira itzuli zen. Handik gutxira egiaztatu ahal izan zuen, Kolonbiako gailurretan aurkitu zuen Argia-ren ale haren jabea Santa Kruz apaiza bera zela.
Patuaren txiripa bitxi hartaz txunditurik, arbasoen hizkuntzaren alde lan egitea erabaki zuen, eta ahalegin horretan ibili zen 1965erarte, urte hartan plazaratu baitzuen Diccionario Castellano-Vasco.
Aita Plazido Mujika 1906ko apirilaren 16an jaio eta 1982 urtean hil zen, Loiolako jesuiten egoitzan.
Tu suscripción se está usando en otro dispositivo
¿Quieres añadir otro usuario a tu suscripción?
Si continúas leyendo en este dispositivo, no se podrá leer en el otro.
FlechaTu suscripción se está usando en otro dispositivo y solo puedes acceder a EL PAÍS desde un dispositivo a la vez.
Si quieres compartir tu cuenta, cambia tu suscripción a la modalidad Premium, así podrás añadir otro usuario. Cada uno accederá con su propia cuenta de email, lo que os permitirá personalizar vuestra experiencia en EL PAÍS.
En el caso de no saber quién está usando tu cuenta, te recomendamos cambiar tu contraseña aquí.
Si decides continuar compartiendo tu cuenta, este mensaje se mostrará en tu dispositivo y en el de la otra persona que está usando tu cuenta de forma indefinida, afectando a tu experiencia de lectura. Puedes consultar aquí los términos y condiciones de la suscripción digital.
