Haurren erakustaldia Dantzari Txiki Egunean
Datorren abuztuaren 4ean Dantzari Txiki Eguna ospatuko da Getarian. Igandean Zestoako, Zarauzko, Azpeitiako eta Getariako 8 eta 12 urte bitarteko 60 haur bilduko dira herrian Getaria kolorez eta dantzaz janzteko asmoz. Euskal dantzak dira haurrek igande horretan dantzatuko dituztenak eta dantza bakoitzak bere jantzi bereziak behar ditu. Dantzari Txiki Eguneko ekitaldiak goizetik hasten diren arren, arratsaldean izango da eguneko ospakizun garrantzitsuena, frontoiko erakustaldia hain zuzen, non partaide guztiek haien dantzak erakutsiko dizkiete getariarrei.
Ohitura aspaldikoa izanik beste herrietan ere horrelako dantzak egiten zirelako sortu zen ekimena. Amaia Zenekorta Txeru Elkarteko kideak azaltzen duenez 'ideia berez inguruko herrietan sortu zen. Zarauzko Euskal Jaiak baino lehen, bada umeen eguna ere eta Getarian antzeko zerbait egitea pentsatu genuen'. Amaiaren hitzetan 'haur hauek derrigorrezko pieza bat dantzatzen dute eta herri bakoitzak bere ezaugarriak erakusten ditu, dantza bakoitzak ezaugarri bereizgarriak baititu herri bakoitzean'.
