Leo Bassi ‘actuará’ no Concello de Santiago
O cómico xa advertira o pasado venres que estaba a buscar un espazo alternativo na cidade para sortear a “censura”
Non o fará no Teatro Principal, como estaba previsto até que o Concello de Santiago lle retirou o permiso, malia a que as entradas xa estaban á venda, pero o cómico Leo Bassi actuará de todos os xeitos en Santiago. E por partida tripla, ademais. No auditorio da facultade de Ciencias da Comunicación ofrecerá dous pases consecutivos do espectáculo The Best of Leo Bassi o 12 de abril para “compensar” o menor aforamento da sala, de 300 prazas. O mesmo día, pero pola mañá, pasará tamén pola sede do consistorio, convidado polo BNG a un “acto de desagravio”.
“Non imos permanecer de brazos cruzados diante dos sucesivos episodios de censura do goberno de Conde Roa”, explican os nacionalistas. En Raxoi, o clown manterá un encontro co grupo municipal e outro cos medios, onde explicará a súa versión do acontecido. Onte, nas redes sociais, Bassi fixaba a súa actuación no Concello para as once da mañá e ofrecía dous tipos de entradas para a da noite: 10 euros para o público xeral e 7 para “estudantes, desempregados e afiliados do PP”.
Logo das declaracións do alcalde compostelán, o popular Gerardo Conde Roa, nas que confesaba a “especial repugnancia” que lle producía cómico, é difícil evitar a lectura política. Xosé Pereira, o decano da facultade de Ciencias da Comunicación, insiste porén en que se trata dun procedemento “ordinario” sen relación coa polémica. “Os representantes de Bassi, Pallasos en Rebeldía, solicitaron a cesión temporal do auditorio a cambio de aboar as taxas correspondentes. Xa está. Nin recibín nin espero recibir ningunha chamada”, argumenta.
O cómico xa advertira o pasado venres en declaracións a EL PAÍS que estaba a buscar un espazo alternativo na cidade para sortear a “censura” do goberno municipal, que vincula a “presións da Igrexa”. Finalmente atopou o que buscaba na facultade de Ciencias da Comunicación. “Ten un contido cultural importante”, explica o decano, “e a universidade tamén está para iso, para impulsar a cultura. Non debería pasar nada extraordinario. Confío na boa fe da xente”.
Tu suscripción se está usando en otro dispositivo
¿Quieres añadir otro usuario a tu suscripción?
Si continúas leyendo en este dispositivo, no se podrá leer en el otro.
FlechaTu suscripción se está usando en otro dispositivo y solo puedes acceder a EL PAÍS desde un dispositivo a la vez.
Si quieres compartir tu cuenta, cambia tu suscripción a la modalidad Premium, así podrás añadir otro usuario. Cada uno accederá con su propia cuenta de email, lo que os permitirá personalizar vuestra experiencia en EL PAÍS.
En el caso de no saber quién está usando tu cuenta, te recomendamos cambiar tu contraseña aquí.
Si decides continuar compartiendo tu cuenta, este mensaje se mostrará en tu dispositivo y en el de la otra persona que está usando tu cuenta de forma indefinida, afectando a tu experiencia de lectura. Puedes consultar aquí los términos y condiciones de la suscripción digital.
