"Vivimos tempos de ruindade e abandono"

In, da compañía Elefante Elegante; Memorias das memorias dun neno labrego, de Cándido Pazó; Conversa ultramarina (Positivas), de Lois Pereiro, ou As sete caras da pedra (Toxosoutos), de Emilio Araúxo, son os destaques que propón a autora de Pornografía por entre a cultura recente.

"In reflexiona sobre os misterios da arte. Somos rostros ou somos máscaras?", pregúntase Gómez (Curtis, 1972). Menciona tamén a correspondencia entre Lois Pereiro e Piedad Cabo como "o mellor libro de amor que lin na miña vida". Da colaboración entre o filósofo Emilio Araúxo, que fotografou as esculturas dos pastores da Serra de Queixa e o Val de Conso, e o poeta Claude Royet-Journod, que lles pon letra, remarca o resultado, "un ecosistema de beleza dentro do libro". A poeta e xornalista de Fisteus separa a cultura viva do declinio do público. "Vivimos tempos de ruindade e abandono. Pero a cultura galega pode mobilizarse na Resistencia, pode reinventarse continuamente a si mesma".