Pablo Millán

O autor de curtas como Longo sendeiro de pedra, O conxuro ou A meiga chuchona non quere ser orixinal. "Falaría da poesía de Pimentel e de Rosalía de Castro, aínda que soe a tópico. Un día escoitei na radio a un subsaxariano recitando un poema de Rosalía que reflectía o seu propio desleixamento... Aos do programa debeulles facer graza porque non paraban de rir". Tres libros que recomendaría para o verán:

Galicia, de Carlos Martínez-Barbeito; Imaxes do patrimonio arquitectónico desaparecido, de Acuña e Cabo "e calquera guía de viaxes de hai dez ou vinte anos, para non coller unha depresión pola desfeita do patrimonio natural e cultural galego".