'Gazteek ez dute itsasora joan nahi'
Arrantza urte askotan zehar Euskal Herrian tradizio handiko lanbidea izanik, itsasora joan nahi dutenen kopuruak behera egin du azken aldian. Gaur egun arrantzuntzietan dabiltzan tripulazioak antzinakoaz geroz eta gehiago desberdintzen dira, batik bat bertako langile faltak eta hezkuntzak eraginda
Hegaluzearen gerrako lubakietan borrokatu zen 90ko hamarkadaren hasieran, orduan Bermeoko Kofradiako presidentea zen eta. Jose Manuel Gabantxok iaz hartu zuen erretiroa, itsasoan 35 urte egin eta gero. Gazteek ez dutela itsasora joan nahi dio penaz. Sektoreak dituen arazoak behin-betiko konpontzeko, kaladeroak gehiago zaindu beharko liratekela uste du.
Galdera. Lanean hasi zinenetik asko aldatu da sektorea?
Erantzuna. Orain dena da teknologia: sateliteak, sonarrak eta horiek gauza guztiak erabiltzen dituzte arrantzaleek. Lehen horiek baliabideak ez zeuden. Orain arrain gutxiago dago, baina gehiago harrapatzen da. Hemen kaladero aberatsak eduki ditugu, baina gaur egun ia-ia agortuta daude.
G. Gero eta gazte gutxiago doa itsasora. Zergatik?
E. Batetik, bizimodu gogorra delako; eta bestetik ekonomikoki ez duelako konpentsatzen. Ez da errentagarria. Lehen alderantziz izaten zen,
orain 30 urte dirua irabazten zen eta. Horregatik gazteek ez dute itsasora joan nahi. Arrantzale izan nahi duten gazteek Afrikara edo Indikora joatea erabakitzen dute; eskoletan titulazioa aterata bizimodu hobea izan dezakete. Hor komoditate asko daude. Etxetik kanpo bizi dira, baina untzi handi eta erosoak dira. Gazteek ez dute hona joan nahi, ezta armadoreen semeek ere.
G. Zein da irtenbidea?
E. Erraza da. Arrain larregi harrapatzen da. Arrantzan asko egiten da, baina txarto. Teknikak asko aurreratu du. Gaur egun arraina erakarri eta erraz harrapatzeko teknikak daude. Arrain txikia, handia...guztia harrapatzen da. Tona gutxiago harrapatu beharko litzateke.
G. Zer deritzozu arrantza eskoletan egiten duten lanari?
E. Positiboa iruditzen zait. Titulazioa eskuratuta lana erosoago egin daiteke. Lehengo aldean arrantzale gazteek formakuntza hobea dute, horretaz ez dut zalantzarik.
G. Kaladeroak zainduz gero, arrantzak etorkizuna izango luke
E. Bai, baina horretarako ditugun errekurtsoak gehiago zaindu beharko lituzteke, kaladeroak ez agortzeko.
Tu suscripción se está usando en otro dispositivo
¿Quieres añadir otro usuario a tu suscripción?
Si continúas leyendo en este dispositivo, no se podrá leer en el otro.
FlechaTu suscripción se está usando en otro dispositivo y solo puedes acceder a EL PAÍS desde un dispositivo a la vez.
Si quieres compartir tu cuenta, cambia tu suscripción a la modalidad Premium, así podrás añadir otro usuario. Cada uno accederá con su propia cuenta de email, lo que os permitirá personalizar vuestra experiencia en EL PAÍS.
En el caso de no saber quién está usando tu cuenta, te recomendamos cambiar tu contraseña aquí.
Si decides continuar compartiendo tu cuenta, este mensaje se mostrará en tu dispositivo y en el de la otra persona que está usando tu cuenta de forma indefinida, afectando a tu experiencia de lectura. Puedes consultar aquí los términos y condiciones de la suscripción digital.
