Arantza Vilar

Á actriz de Nut Teatro gústanlle as propostas portables de Edicións Positivas. "Falamos de autores novos, narracións diversas a cabalo entre a prosa e a poesía, formato lixeiro de peto... Ideal para levar enriba no verán". Recomenda O demo e o profundo mar azul, de Eva Moreda; Metalurxia, de Carlos Santiago, e A rutina é o deber de todas as criaturas, de Manolo Cortés. "Para o inverno deixaría clásicos como Rosalía de Castro ou Manuel Antonio". Se houbese que non recomendar algo en concreto, escolle o gusto particular antes cás escolmas meditadas. "Non gusto moito da literatura medieval, así que non a recomendaría", sinala. "Tampouco lería obras de carácter nostálxico-melancólico, e por iso preferiría deixar para o inverno a Rosalía ou Manuel Antonio". A muller que encarnou á dramaturga Sarah Kane na primeira versión galega de 4:48 Psicose, a cargo de Nut Teatro, lerá El ansia, da Nobel Elfriede Jellinek; O son da xordeira, da artista audiovisual Antía Otero, e aínda conta rematar a biografía de Mao de Jun Chang. "A ver se a remato", di. Estamos falando de Mao. La historia desconocida, de Jung Chang.