_
_
_
_
ALBERTO NÚÑEZ FEIJÓO | PRESIDENTE DA XUNTA

Dos galegos de hoxe á Galicia do mañá

Malia todo, se hoxe podemos celebrar como cada 25 de xullo o noso Día de Galicia é porque esta terra segue adiante no século XXI

Galicia está viva. Ao longo de toda a súa historia, sufriu penalidades, atravesou momentos mesmo máis difíciles que o actual, e a súa luz parecía apagarse en épocas aciagas nas que o destino semellaba negro. Pero malia todo, se hoxe podemos celebrar como cada 25 de xullo o noso Día de Galicia é porque esta terra segue adiante no século XXI. E a que se debe que o noso pobo o conseguira? A resposta está nos galegos. É o esforzo da nosa xente, transmitido de xeración en xeración, o que explica a supervivencia do noso país.

Na cultura, no benestar social e na economía. En calquera eido, a enerxía dos galegos é visible e a súa man está presente en todas as grandes iniciativas que ergueron o noso país, tanto en momentos de bonanza como de dificultade. Foron galegos coma nós, con facetas e sentimentos dispares, pero xuntos, os que converteron Galicia nun país completo, dotado de impulso colectivo en todos os eidos. A súa gran achega foi esa idea de que tan eivado estaría o noso país cun sentimento reducido á mera contemplación como cun desenvolvemento social e económico no que se perdera a nosa identidade. Dalgún xeito, o comportamento dos galegos mesturou durante séculos a reflexión e a acción. Os nosos devanceiros soñaron sempre cunha Galicia que despois se esforzaron en levar á práctica.

Se cadra nunha época de tanta incerteza como a que estamos vivindo, resulta difícil imaxinar que as nosas utopías poden ser factibles, pero o certo é que ese pensamento conserva hoxe máis vixencia ca nunca. Non esquezamos que outros moitos momentos da nosa historia tamén parecían pouco propicios para a esperanza e que houbo etapas coma esta nas que case todo parecía conspirar para desistir e caer na resignación ou no derrotismo.

Cando esas circunstancias se deron, cando calquera proxecto era visto por moitos como algo inalcanzable, galegos coma nós mantiveron aceso, en medio das dificultades, o facho da fe nas posibilidades do país. Onde outros vían un destino fatal que nos empurraba ao desastre, eles foron quen de atopar elementos de esperanza.

A Galicia actual é filla das mulleres e homes que creron na súa terra cando o máis doado era deixarse levar polo desacougo. Mulleres e homes que non soamente inspiraron, animaron e protagonizaron avances de todo tipo, senón que tamén introduciron un cambio substancial de mentalidade. En lugar de quedarse no laio e mirar atrás para atopar un paraíso perdido, dan pasos cara a reflexión, compleméntana coa acción e poñen a súa ollada no futuro.

Por iso, a mellor homenaxe que podemos facer neste Día de Galicia é seguir o exemplo dos nosos devanceiros e renovar a fe en nós mesmos. Os problemas do presente non poden facernos esquecer o enorme camiño percorrido polo noso país, un legado que debemos preservar e mellorar para xeracións futuras.

Lo que más afecta es lo que sucede más cerca. Para no perderte nada, suscríbete.
SIGUE LEYENDO

Ese obxectivo de continuidade ten que presidir necesariamente a xestión das administracións públicas e preside, de feito, a xestión da Xunta de Galicia. Practicamos un galeguismo que non se conforma coa herdanza recibida dos que nos precederon, senón que se esforza por situar á nosa terra entre os pobos máis desenvolvidos e por mellorala cada día para aqueles que nos han de suceder.

“Das galegas e dos galegos de hoxe para a Galicia do mañá”, como figura en cada placa que descubrimos cando poñemos en marcha un novo servizo público ou unha nova infraestrutura. Esa frase revela que somos conscientes de que a nosa terra nin comeza nin acaba con nós. Os propietarios dela somos os galegos de cada tempo e entre as obrigas que temos os que vivimos na Galicia de hoxe está a de non minorar as posibilidades dos que virán despois.

Ese labor non é doado e supón, como podemos ver con profusión nestes momentos de dificultade, importantes esforzos por parte de todos. Pero na nosa propia existencia contemporánea podemos atopar signos de que é posible alcanzar os nosos anhelos colectivos.

Apoio este convencemento no feito de que Galicia teña posto voz, instrumentos e medidas para ordenar o seu destino, en lugar de ser suxeito pasivo na xestión das dificultades socioeconómicas do momento. Do mesmo xeito que a nosa terra sobreviviu no pasado a outros pobos, a Galicia de hoxe ten eco en España e na Unión Europea, ata o punto de que políticas establecidas aquí desde hai tres anos teñen servido de pautas no eido nacional e comunitario.

Por iso, no noso Día de Galicia, podemos mostrarnos como exemplo de que as autonomías son capaces de funcionar ben. Ter sido pioneiros en decisións como a austeridade das administracións, o control do déficit ou a estabilidade orzamentaria, ademais de servirnos para estar nunha situación de menor risco que outras comunidades, tamén demostra que as autonomías, lonxe de ser un obstáculo, poden cumprir co seu deber e ter un papel protagonista no camiño á recuperación.

Cando, pese a todas as incertezas e os esforzos do momento actual, somos capaces de investir en novos hospitais públicos, de reducir as listas de espera, de poñer a disposición dos galegos máis de 5.500 novas prazas públicas de servizos sociais, de garantir aos nosos escolares un mellor coñecemento en idiomas e en tecnoloxías, de facilitar o acceso dos cidadáns á banda larga vivan onde vivan, ou de atraer o interese internacional cara os os nosos principais sectores produtivos, estamos alimentando as nosas posibilidades pero tamén a nosa esperanza colectiva.

Tu suscripción se está usando en otro dispositivo

¿Quieres añadir otro usuario a tu suscripción?

Si continúas leyendo en este dispositivo, no se podrá leer en el otro.

¿Por qué estás viendo esto?

Flecha

Tu suscripción se está usando en otro dispositivo y solo puedes acceder a EL PAÍS desde un dispositivo a la vez.

Si quieres compartir tu cuenta, cambia tu suscripción a la modalidad Premium, así podrás añadir otro usuario. Cada uno accederá con su propia cuenta de email, lo que os permitirá personalizar vuestra experiencia en EL PAÍS.

En el caso de no saber quién está usando tu cuenta, te recomendamos cambiar tu contraseña aquí.

Si decides continuar compartiendo tu cuenta, este mensaje se mostrará en tu dispositivo y en el de la otra persona que está usando tu cuenta de forma indefinida, afectando a tu experiencia de lectura. Puedes consultar aquí los términos y condiciones de la suscripción digital.

Archivado En

Recomendaciones EL PAÍS
Recomendaciones EL PAÍS
Recomendaciones EL PAÍS
_
_