Martin Wu

O cantante e guitarrista de The Homens, abandeirados do power pop en galego, recomenda Solimán, de Xesús Fraga, O home inédito, a novela de Carlos Meixide que saíu antes na Rede ca en papel e Á de mosca, de Aníbal Malvar). Libros que nunca recomendaría atópaos na política: Final en Fisterra, a última entrega das memoria de Manuel Fraga; Escoitar en silencio, de Otilia Seijas -a dona do ex conselleiro Vázquez Portomeñe-, e Xa vai o griffon no vento, de Alfredo Conde. Agarda atopar tempo para poder ler Our band could be your life, de Michael Azerrad, Resurrección, de Ian Rankin, e Cultura libre, de Lawrence Lessig.