O imaxinario literario centra os debates dos autores de Galeusca
A primeira das mesas redondas da edición número 24 do encontro Galeusca xira, esta mañá na sala de conferencias de Caixa Galicia en Mondoñedo, arredor das "fontes do imaxinario nas literaturas eúscara, catalá e galega". O valenciano Alfons Llorenç, a vasca Iratxe Retolaza e o galego Xosé Miranda, coordinados por Antonio Reigosa, falan da procedencia dos mitos e das raíces coas que se constrúe a literatura.
"O imaxinario é unha das partes fundamentais da cultura, máis feble na literatura", sinala Llorenç, "porque vén da oralidade". O escritor valenciano fala da "responsabilidade do urban...
A primeira das mesas redondas da edición número 24 do encontro Galeusca xira, esta mañá na sala de conferencias de Caixa Galicia en Mondoñedo, arredor das "fontes do imaxinario nas literaturas eúscara, catalá e galega". O valenciano Alfons Llorenç, a vasca Iratxe Retolaza e o galego Xosé Miranda, coordinados por Antonio Reigosa, falan da procedencia dos mitos e das raíces coas que se constrúe a literatura.
"O imaxinario é unha das partes fundamentais da cultura, máis feble na literatura", sinala Llorenç, "porque vén da oralidade". O escritor valenciano fala da "responsabilidade do urbano no trance de desaparición que, malia a formar e conformar o ser humano, atravesa o imaxinario". Alfons Llorenç utilizará "a peza de teatro máis antiga de Europa, O misterio de Elxe", para comprobar como os mitos clásicos "se salvaron a través do cristianismo" e seguen a facer parte "dos fundamentos das sociedades occidentais da actualidade".
Esta tarde serán a catalá Caterina Valriu, o navarro Joxemiel Bidador e o galego Darío Xohán Cabana os que reflexionen sobre "os clásicos do imaxinario" nas súas respectivas literaturas. Xabier Gantzrain, Francesc Serés e Chus Nogueira debatirán, no escenario da Casa da Xuventude de Mondoñedo o sábado pola mañá, arredor "do imaxinario na literatura actual".
Unha lectura de textos reunirá, ás catro e media da tarde do sábado, a nove autores so o mantemento de Xosé Henrique Rivadulla Corcón. A galega Marica Campo, que lerá un texto de creación "en relación ao tema do encontro", refírese "á posibilidade de intercambiar puntos de vista e de contrastar opinións" que leva canda si o Galeusca. "Ao se tratar de literaturas en linguas minorizadas, estes encontros son máis necesario que noutros sistemas que non están postos en cuestión", di.
Para Alfons Llorenç. "Galeusca pon en contacto tres literaturas e rompe a tentación ou la condena ao localismo". "O feito nacional non rifa co internacionalismo, senón ao revés", conclúe.