Nazioaren kontzeptuaz eztabaidaka
Ernest Renanek 1882an plazaratu zuen hitzaldiari buruz gogoeta egin dute lau intelektualek azken bi asteotan Donostiako Koldo Mitxelena Kulturunean, EHUren ekimenez pentsamenduaren lan klasikoak euskaratzen ari den Limes bildumaren bultzatzaileek deituta. Qu'est-ce qu'une nation? (Zer da nazioa, euskarazko bertsioan) izeneko mintzaldia aukeratu zuten, gerora Hobbes, Diderot eta Zizeron gehitu zaizkion zerrendako lehena izateko.
Ekimena, ostera, ez da liburuak argitaratzera mugatzen, horiek oinarri hartuta egungo gizartean puri-purian dauden gaiei buruzko eztabaida-f...
Ernest Renanek 1882an plazaratu zuen hitzaldiari buruz gogoeta egin dute lau intelektualek azken bi asteotan Donostiako Koldo Mitxelena Kulturunean, EHUren ekimenez pentsamenduaren lan klasikoak euskaratzen ari den Limes bildumaren bultzatzaileek deituta. Qu'est-ce qu'une nation? (Zer da nazioa, euskarazko bertsioan) izeneko mintzaldia aukeratu zuten, gerora Hobbes, Diderot eta Zizeron gehitu zaizkion zerrendako lehena izateko.
Ekimena, ostera, ez da liburuak argitaratzera mugatzen, horiek oinarri hartuta egungo gizartean puri-purian dauden gaiei buruzko eztabaida-foroa sortu nahi baitute bildumaren arduradunek. Ziklo honetan Jaume Pérez Montaner Katalanezko Idazleen Elkarteko presidenteak, Jose Luis Lizundia euskaltzainak, Arantxa Urretabizkaia idazlea eta Joxemiel Bidador idazle eta ikertzaile nafarrak parte hartu dute.