Bost istorio luze bildu ditu Saizarbitoriak liburu bakarrean
Ramon Saizarbitoriak (Donostia, 1944) aurten ere ez dio hutsik egin Durangoko Azokari, eta, esaterako, iragan ostiralean, Gorde nazazu lurpean izeneko liburua aurkeztu zuen, Erein argitaletxearen babesaz. Bost istorio luze jasotzen ditu liburu honetan egileak -tartean, Gudari zaharraren gerra galdua; duela urte dezente, Bihotz bi izeneko eleberria idazten ari zela bururatu zitzaion ideia bati eutsiz garatu eta lan bakar modura beste liburu batean argitaratu dena-. Guztietan, ekintza bera errepikatzen da (gorpu bat lurpetik ateratzen dute); baina egileak ohiko dituen gaiak ...
Ramon Saizarbitoriak (Donostia, 1944) aurten ere ez dio hutsik egin Durangoko Azokari, eta, esaterako, iragan ostiralean, Gorde nazazu lurpean izeneko liburua aurkeztu zuen, Erein argitaletxearen babesaz. Bost istorio luze jasotzen ditu liburu honetan egileak -tartean, Gudari zaharraren gerra galdua; duela urte dezente, Bihotz bi izeneko eleberria idazten ari zela bururatu zitzaion ideia bati eutsiz garatu eta lan bakar modura beste liburu batean argitaratu dena-. Guztietan, ekintza bera errepikatzen da (gorpu bat lurpetik ateratzen dute); baina egileak ohiko dituen gaiak garatzeko aitzakia besterik ez da hori. Maitasuna, giza harremanen ez gauzatzea, gerra eta Euskal Herria izango dira, beraz, berriro ere istorioen oinarri.