Á esquerda de Loquillo

A quincena bisesta, sen grandes convocatorias á espera do décimo Festival Sinsal, comeza esta noite cun veterano no Colón da Coruña: Loquillo leva ao seu terreo os versos Neruda, Octavio Paz, Gil de Biedma ou Salvat Papasseit na súa xira A solas. Rematará os días 2 e 3 de febreiro cos portugueses The Gift no Principal de Santiago e os valencianos Polock en La Fábrica de Chocolate de Vigo.

Os afeccionados ao ska e o rocksteady teñen dúas citas cos fineses The Walkyrians e os coruñeses Dandy Fever, hoxe en El Infierno (Vigo) e mañá na Mardi Gras (A Coruña). The Right ...

A quincena bisesta, sen grandes convocatorias á espera do décimo Festival Sinsal, comeza esta noite cun veterano no Colón da Coruña: Loquillo leva ao seu terreo os versos Neruda, Octavio Paz, Gil de Biedma ou Salvat Papasseit na súa xira A solas. Rematará os días 2 e 3 de febreiro cos portugueses The Gift no Principal de Santiago e os valencianos Polock en La Fábrica de Chocolate de Vigo.

Os afeccionados ao ska e o rocksteady teñen dúas citas cos fineses The Walkyrians e os coruñeses Dandy Fever, hoxe en El Infierno (Vigo) e mañá na Mardi Gras (A Coruña). The Right Ons visitan esta noite a sala Karma de Pontevedra, as Nacys Rubias actúan mañá en Mogambo (Vigo) e o Liceo Mutante, tamén no Lérez, continúa programando grupos galegos -Len Drone o día 27- e de fóra, como os franceses Le Singe Blanc o 24.

Santiago acolle mañá o segundo Rock-A-Billy Boogie Night con Tete y Los Ciclones, The Kanaloas, Doctor Gringo e The Caravans. Por último, a británica Emmy The Great ofrecerá dous concertos consecutivos da man de SON Estrella Galicia: o 27 no Café Pop Torgal de Ourense e ao día seguinte no auditorio municipal de Vigo. Presenta dous discos: Virtue, segundo en solitario, e This Is Christmas, travesura navideña xunto a Tim Wheeler.