Euroa eta kultur eskaintza zabala, Nafarroa Oinez jaiaren ezaugarri

GAIAKHeldu den igandean ospatuko den Nafarroa Oinezi begira, 120.000 lagun inguru jasotzeko azpiegitura prestatu dute Zizur Txikiko San Fermin Ikastolako arduradunek. Dena den, Pello Mariñelarena, Nafarroako Ikastolen Elkarteko zuzendariak aurkezpen egunean azaldu zuenez helburua ez da aurreko urteetako "markarik haustea", "kalitatea eta aniztasunean" onera egitea baizik. Ibilbideak sei kilometro pasatxo eta bost gune ditu guztira. Kultur eskaintza ugaria da eta, besteak beste, Oskorri, Egan, Su Ta Gar, Soublind, Numidia edota Berri Txarrak taldeen kontzertuez gozatzeko aukera izango da. Horie...

GAIAKHeldu den igandean ospatuko den Nafarroa Oinezi begira, 120.000 lagun inguru jasotzeko azpiegitura prestatu dute Zizur Txikiko San Fermin Ikastolako arduradunek. Dena den, Pello Mariñelarena, Nafarroako Ikastolen Elkarteko zuzendariak aurkezpen egunean azaldu zuenez helburua ez da aurreko urteetako "markarik haustea", "kalitatea eta aniztasunean" onera egitea baizik. Ibilbideak sei kilometro pasatxo eta bost gune ditu guztira. Kultur eskaintza ugaria da eta, besteak beste, Oskorri, Egan, Su Ta Gar, Soublind, Numidia edota Berri Txarrak taldeen kontzertuez gozatzeko aukera izango da. Horiez gain, egitarauak haurrentzako jokoak, karaokea, herri musika, folklorea eta Txan Magoaren emanaldiak jasotzen ditu. Bigarren urtez jarraian eta iaz Jaso Ikastolak martxan jarritako esperientziaren arrakasta kontutan hartuta, aurten ere euroa izango da txanpon nagusia. Tonbola, sagardotegia eta arropa dendan ez beste guztietan izango da baliagarria.

Zizur Txikiko San Fermin Ikastolak eraikina berritu eta LOGSEk eskatzen dituen baldintzei erantzuteko 700 milioiko aurrekontua duten lanak hasi ditu. Ikastolak 1.300 ikasle eta 124 langile ditu egun.