Aurtengo BBK- Euskaltzaindia Literatura Sariak, jada, martxan
GAIAKEuskaltzaindia eta BBK Fundazioak urtero elkarlanean antolatzen duten Literatura Sarien aurtengo edizioa martxan da dagoeneko. Aurkezpen ekitaldian, sariotan parte hartzeko aurten bete-behar diren oinarriak ezagutzera eman zituzten; hala nola, lanak aurkezteko epea urriaren 16an amaituko dela. Bestebehingoz, gainontzeko lehiaketekin alderatuta, sari hauen atal bakoitzerako bideratu diren diru-sariak handienetakoak dira: Txomin Agirre eleberri saria, esaterako, 1.300.000 pezetakoa izango da eta lanak, gutxienez, 125 orriko luzeera izan beharko du; Toribio Altzaga antzerki sariaren garailea...
GAIAKEuskaltzaindia eta BBK Fundazioak urtero elkarlanean antolatzen duten Literatura Sarien aurtengo edizioa martxan da dagoeneko. Aurkezpen ekitaldian, sariotan parte hartzeko aurten bete-behar diren oinarriak ezagutzera eman zituzten; hala nola, lanak aurkezteko epea urriaren 16an amaituko dela. Bestebehingoz, gainontzeko lehiaketekin alderatuta, sari hauen atal bakoitzerako bideratu diren diru-sariak handienetakoak dira: Txomin Agirre eleberri saria, esaterako, 1.300.000 pezetakoa izango da eta lanak, gutxienez, 125 orriko luzeera izan beharko du; Toribio Altzaga antzerki sariaren garaileak 800.000 pezeta eskuratuko ditu, Felipe Arrese olerki saria irabazten duenak bezala; eta, azkenik, Mikel Zarate saiakera saria milioi bat pezetakoa izango da. Aurtengo edizioa aurkezteaz gain, joan den urteko Euskaltzaindia-BBK Literatura Sarietan saritu zituzten lanak jada argitaratu dituzte. Atalez-atal, honako hauexek dira: eleberrigintzan, Aitor Arana idazle legazpiarraren Ipuin-entzulea izan zen epai-mahaiak aukeratutako lana; olerkigintzan, aldiz, Juan Luis Zabalaren Hautsia natza izan zen onena; antzerkigintzan, Mikel Ugalderen Bake biltzarraren ildotik saritu zuten, eta azkenik, Joxe Manuel Odriozolaren Nazio identitatea eta eskola saiakera alorreko lana da argitaratu duten azkena.