Novos lanzamentos da animación
Na gris zona industrial do polígono do Tambre de Santiago camúflanse dúas grandes naves onde traballa a marchas forzadas o amplo equipo do filme de animación O Apóstolo. Platós provisionais, delicados bonecos e profesionais de Estados Unidos ou Canadá que traballan para rematar este mes o traballo de produción. O 17 de xullo é o día previsto para a estrea mundial en Santiago de Compostela. "En maio trataremos de pechar en Cannes as vendas internacionais. Agardamos estrear o filme en cines en Setembro", explica Isabel Rey, produtora executiva do filme.
O Apóstolo é un dos v...
Na gris zona industrial do polígono do Tambre de Santiago camúflanse dúas grandes naves onde traballa a marchas forzadas o amplo equipo do filme de animación O Apóstolo. Platós provisionais, delicados bonecos e profesionais de Estados Unidos ou Canadá que traballan para rematar este mes o traballo de produción. O 17 de xullo é o día previsto para a estrea mundial en Santiago de Compostela. "En maio trataremos de pechar en Cannes as vendas internacionais. Agardamos estrear o filme en cines en Setembro", explica Isabel Rey, produtora executiva do filme.
O Apóstolo é un dos varios filmes de animación que estarán rematados en Galicia ó longo deste ano. Outra das películas que estará listas é As aventuras de Xoán sen medo, producida por Abano, e impulsada pola ferrolá Chelo Loureiro, produtora executiva e coguionista do filme xunto co portugués Luis da Matta, director da mesma. "Tivemos unha planificación moi xusta, e agora estamos mellorando a produción un pouco", explica Loureiro, que traballa en paralelo noutros proxectos. Un deles, o filme A tropa de trapo, que parte dunha serie de televisión de TV3 e será dirixida polo catalán Alex Colls.
Para este ano tamén estará lista Linko, producida por IB Cinema e dirixida por Xosé Zapata, que leva cinco anos traballando neste proxecto de animación. "É unha película de ciencia-ficción con toques de thriller e a idea é presentala en Sitges cara a finais de outubro", avanza Zapata. Este director e produtor advirte de que "a animación está bastante parada, e hai empresas que atravesan situacións delicadas". Unha destas empresas é Dygra, na que a produción se veu ralentizada ultimamente por diversos conflitos laborais. Para finais deste ano está prevista a estrea en cines de Holy Night a última obra da factoría coruñesa, dirixida por Juan Galiñanes e David Rubín, que nuns días se dará coñecer no mercado do festival de Cannes.