A Mostra de Ourense gaña ambición

Ourense erguerá o telón o vindeiro 11 de abril e será escenario durante 16 días consecutivos das distintas manifestacións teatrais do momento. 32 espectáculos a cargo das compañías de nove países farán da capital ourensá unha Babel da representación. A MITEU (Mostra Internacional de Teatro Universitario) que dirixe Fernando Dacosta alcanza a súa XIII edición co programa máis ambicioso e máis musical da súa historia.

Entre os atractivos deste ano figuran a conxunción do teatro contemporáneo con clásicos de Shakespeare ou Moliére, a presenza de Leo Bassi coa súa polémica obra ...

Ourense erguerá o telón o vindeiro 11 de abril e será escenario durante 16 días consecutivos das distintas manifestacións teatrais do momento. 32 espectáculos a cargo das compañías de nove países farán da capital ourensá unha Babel da representación. A MITEU (Mostra Internacional de Teatro Universitario) que dirixe Fernando Dacosta alcanza a súa XIII edición co programa máis ambicioso e máis musical da súa historia.

Entre os atractivos deste ano figuran a conxunción do teatro contemporáneo con clásicos de Shakespeare ou Moliére, a presenza de Leo Bassi coa súa polémica obra La Relevación, as músicas do mundo a cargo do grupo bielorruso Strainniki, actuacións dos reclusos do centro penitenciario de Pereiro de Aguiar e as representacións de actores nos escaparates da comercial Rúa do Paseo.