Presentan un triple tradutor galego, español e portugués

A empresa Imaxin Software, con financiación da Consellaría de Innovación e colaboración das universidades de Vigo e Santiago, presentou onte o "sistema de tradución automática en código aberto" Opentrad. A ferramenta informática posibilita o tránsito entre "as tres linguas de Galicia e Portugal: galego, castelán e portugués". O responsábel do proxecto, José Ramom Pichel, esmiuzou as principais características do proxecto: "bidireccionalidade entre linguas, software libre ou estándares abertos".

O escritor e profesor de Comercio Electrónico Xavier Alcalá acompañou aos impulsores do proxecto: "Para facer un negocio en Angola hai que escribir ben o portugués e aí está Opentrad".